ﺩﺍ

ﺩﺍﯾﻪ ﺍﯼ ﻣﻬﺮ ﺧﺪﺍﯾﯽ ﺑﻪ ﺩﻟﺖ ﺟﺎ ﮐﺮﺩﻩ

ﺭﻭﺯ ﻭ ﺷﻮ ﻧﻮﺭ ﺍﻟﻬﯽ ﺑﻪ ﺳﺮﺕ ﺳﺎ ﮐﺮﺩﻩ

ﺯﯾﺮ ﭘﺎﻫﺎﺗﻪ ﺑﻬﺸﺘﯿﻨﻪ ﺧﺪﺍ ﮐﺮﺩﻩ ﺑﻪ ﭘﺎ

ﻫﺮ ﺩﻭ ﺩﻧﯿﺎﻧﻪ ﯾﻪ ﺟﺎ، ﻣﻬﺮ ﻭ ﭘﺸﺎ ﺩﺍ ﮐﺮﺩﻩ

ﺷﯿﺮ ﭘﺎﮐﺖ ﺑﻪ ﻗﺴﻢ، ﺑﻬﺪ ﺧﺪﺍ ﺗﯽ ﻫﻤﻪ ﮐﺲ

ﺍﺭﺯﺷﯽ ﺑﯿﺸﺘﺮ ﺍﺯ ﺧﺎﮎ ﺩﻭ ﺩﻧﯿﺎ ﮐﺮﺩﻩ

ﺑﯿﺸﻪ ﺯﺍﺭ ﺩﻝ ﺩﺍ ﺯﺍﮔﻪ ﺷﯿﺮﻭﻥ ﻧﺮﻩ

ﺩﺍ ﻭﺟﺎﻗﺎﻧﻪ ﺯ ﺟﻮﻥ، ﭘﺮ ﺗﺶ ﻭ ﺭﻭﺷﻨﺎ ﮐﺮﺩﻩ

ﺩﻝ ﺑﻪ ﺳﯽ ﺩﯾﺪﻥ ﺩﺍ، ﭼﯽ ﻣﻪ ﻭ ﺍﻓﺘﻮ ﺷﻮ و

ﺭﻭﺯ

ﺁﺳﻤﻮﻧﺎﻧﻪ ﯾﻪ ﺳﺮ، ﺯﯾﺮ ﺑﻪ ﭘﺎﻫﺎ ﮐﺮﺩﻩ

ﺩﺍﻧﻪ ﺍﺯ ﯾﺎﺩ ﻣﺒﺮ، ﺟﺎﯼ ﺧﺪﺍﺗﻪ ﺳﺮ ﮔﻞ

ﺍﻭ ﺑﻪ ﮐﻬﺴﺎﺭ ﺑﻠﻨﺪﯾﺘﻪ ﺑﻪ ﻫﻨﺪﺍ ﮐﺮﺩﻩ

ﺩﺍﺭﻩ ﺗﻬﻨﺎ ﻣﻨﻪ ﺩﻝ ﻭﯾﺮ ﻗﺸﻨﮕﺎﺳﻪ ﺯ ﺩﺍ

ﻣﯿﻨﻪ ﻫﺮ ﺑﻠﮓ ﺩﻟﺲ، ﻫُﻤﺪَﻡ ﻭ ﻫُﻤﺴﺎ ﮐﺮﺩﻩ

‏( ﺣﺴﯿﻦ ﻋﺒﺪﺍﻟﻬﯽ ﭘﺒﺪﻧﯽ ‏)

telegram.me/shere_bakhtiyari