ادبیات کودک و نوجوان مهر داوار

خِیالِ شِرینی به سَر دارُم اَمشَو

اِخوم کُهنه وا تیشه وَردارُم اَمشَو

کَسی وا نهنگِ مو اَمشَو نَیاهه

که از حالِ زارُم خِوَر دارُم اَمشَو

مِنِ چاله بی هُمدُرُنگی اِسوسُم

کُهی گَپ زِ هُل مینِ سَر دارُم اَمشَو

مِنِ کُهنه کُهسارِ تاریکِ ری خوم

مو تِهنا دو تا چشمه تَر دارُم اَمشَو

خُدابَس که جَلدی زِ مالُم سَفر کِرد

حَرُم اَر که مَیلِ لَلَر دارُم اَمشَو

زِ بَس که زِ دنیا دلُم سیرِ سیره

لَواسِ مَزاره به وَر دارُم اَمشَو

به ری مو درِ شادِ دنیانه بَستِن

خدا دی زِ مِن خَو نوَردارُم اَمشَو.

شاعر : مهرداد ناصری