ادبیات کودک و نوجوان مهر داوار

برای دیدن و شنیدن این شعر به لینک زیر اشاره فرمایید:

https://www.aparat.com/v/hrlpn4m

یه بادی اَوُ خرمنم پِشکناد

لِکِ دارِ سا منزله اشکناد

به پنگه نخون هرچه کردُم دِرَو

دمِ گرتِ لیله ارهدک به دَو

خوماخُم همس فرگِ مات ایکنم

و چی لیوه ای شیت و شات ایکُنُم

هلی هَو نکرده اِرُم آسِیَو

ندونم بیارُم مو یا مینه خَو

بیارم ولی خوپلا ایکنم

همس دستٓ قودَن بلا ایکنم

دلم خینِ هی مینه خُس ایتَپِ

وِ گوشم فقط بنگِ ساز چَپٓ

یه خاری و تَنگه غمم نیتُکه

یه بغضی گٓرِهمه ولی نیپُکه

منه خوهمس داس تیز ایکنم

کِر پُهلک غم مو لیز ایکنم

به هرکی نِیَهرُم به تیگِس کِره

یه دستس به جَهرو یکی جِنگِره

بهونم دیه بس نمده لتی

زپا وَستُمه تی به ره دس پتی

نیاهه کسی دی وامداد دل

کَپَر چیری‌یه سر خو واساده دل

پُلِ شالُوم منده زیرِ اَوُم

چه فرقی کنه سایه یا افتَوُم؟

چه خش بی خیالت منه وار مو

و کرکیت ازیدی و تمدارِ مو

یه نیتی ز ترنت بویی‌بندمه

سرقول پارِت هنی مندمه

سرکیل خالی یه تیری کشم

یه عمری فقط درددیری کشم

تیمورکیانی کرُی