ادبیات کودک و نوجوان مهر داوار

وا خیالت خٌو گرهدوم،روز و شو خو نیبرم
غیرزا دیندا خیالت، روزِ وا شو نیبرم

چی کویرِ قاش مِنْ جونم که پاسُحده تونم
تا نیاهی،ار بمیرم هم به اَوْ لو نیبرم

برد کوهشورِِ منه شیبم،سر رو مندمه
سرگدشتم،مر چه وابیده ،که دی اَو نیبرم

شو گرهده ایله و افتو تکونی نیخوره
هات هاتم ،ره به کار لیش افتو نیبرم

قاصد مالم که دی سَهدی ندارم سی بهار
صد ولا پیغوم نوشتم بردم،ایدو نیبرم

مندومه تینا و بی گو،روزگار لیشیه
مندم و پیسستمُ ره وا تُرِ گو نیبرم

شَو زنو چوقانه پوشید و گِرِدْ دَونه به دست
تا زنو افتو نیاهه،گُونه، اِزَْ دَو، نیبرم

نیما ظفری
انجمن گویشی شهر اردل استان چهرمحال و بختیاری

منبع: https://shereno.com/38711/59002/493165.html