ادبیات کودک و نوجوان مهر داوار

للا لا لا کُرُم زیتر گَپ آبو

کَلاکِ دهسِ بو و دهسِ دا بو

للا لا لا کُرُم ایخا وریسه
بوینم خیرسه و شا وریسه

دلم ایخا کُرِ خو دا ، ملا بو
دلم ایخا که رودم چی طلا بو

بگِر دستِ فقیرونه کُرِ خو
ایر ظلمی بوینی وا وَرِ چو

للا لا شیرِ دا وابو حلالت
للا چی شیرِ دا وابوهه مالت

للا تُرنه شلالِ دا و بویی
ایما چی مَشکِ حالی و تو اویی

للا افتو زَنون من بختِ رودم
للا آساره وابو رختِ رودم

تونه دارم خدانه ایکنم شُرگ
بلا دیره زِجونت بِسم لا گرگ

للا لا دُهدرم ایخا کنه شی
امید دارم و تٖی رودم نره دی

مو دارم آرمون هَر سا مونه نی
سرِ گورم للا لا لا بخونی

شاعر #مهشید_شرافی_زاده